മനുഷ്യ സമൂഹത്തിന്റെ വളർച്ചയുടെ ചരിത്ര ഘട്ടങ്ങളിൽ നിർണ്ണായകമായ ഒട്ടനവധി നാഴികകല്ലുകളുണ്ട്. സംസ്കൃതിയുടെ രൂപപ്പെടുത്തൽ, അഗ്നിയുടെ കണ്ടെത്തൽ, കൃഷിയുടെ തുടക്കം, അക്ഷരങ്ങളുടെ ആരംഭം, വിദ്യുച്ഛക്തിയുടെ കണ്ടുപിടുത്തം, കംപ്യൂട്ടർ എന്നിവ അവയിൽ ചിലതു മാത്രം. മനുഷ്യ വംശത്തിന്റെ മുന്നോട്ടുള്ള പുരോഗതിക്ക് ചാലക ശക്തിയായി മാറാൻ ഈ നാഴികകല്ലുകൾ നിർണ്ണായകമായി.

വ്യക്തിപരമായ ജീവിതത്തിലും നമുക്ക് പ്രേരക ശക്തിയായും, ആത്മവിശ്വാസത്തിന്റെ പ്രതീകമായും മാറിയ ധാരാളം നാഴിക കല്ലുകളുണ്ടാകും. കൂടുതൽ കരുത്തോടെ, മികവോടെ ജീവിതം നയിക്കാൻ ഒട്ടൊന്നുമല്ല ഇവ നമ്മെ പ്രാപ്തമാക്കുന്നത്.